बज्राचार्य बारे छानबिन यायेत कोर्ट अफ इन्क्वायरी गठन

नेपाली सेनां विकास निर्माण व स्थपति विभागया सहायकरथी किरण बज्रचार्यया बारे छानबिन यायेत कोर्ट अफ इन्क्वायरी गठन याःगु दु । जंगी अड्डाया निरीक्षणाधिकृत उपरथी नेत्रबहादुर थापाया संयोजकत्वय् सोमवाः कोर्ट अफ इन्क्वायरी गठन याःगु खः ।

बज्रचार्यं थः स्वयां च्वयेया पदया अधिकृतया म्याद थप मयायेत राजनीतिक नेतातय् नापलाःगु धासें छानबिन यायेत गठन याःगु कोर्ट अफ इन्क्वायरीलय् सैनिक समाचार निर्देशनालयाया प्रमुख रथी सहायक रथी हेम खत्री, महासेनानीत रत्नप्रकाश थापा व नववीत शमसेर राणा दुजः कथं च्वनादीगु दु ।

थ्वस्वयां न्ह्यः जंगी अड्डां वंगु बुधवाः बज्राचार्ययात २४ घण्टा दुने स्पष्टिकरण बीत निर्देशन ब्यूगु खःसा बज्राचार्य वंगु बिहीवाः हे स्पष्टिकरण ब्यूगु खः ।