ट्याङकरया ठक्करपाखें प्रहरी जवान सित

येँया प्रदर्शनीमार्गय् ट्याङकरया ठक्करपाखें छम्ह प्रहरी जवान सीगु दु । बा. १ ख १३९ ल्याःया त्वःनेगु लः ज्वनाः वःगु ट्याङ्करया ठक्करपाखें महानगरीय प्रहरी मुख्य घटना सहायता कार्यदलया पत्र बहाकयारुपं ज्या यानाः वयाच्वंम्ह प्रहरी जवान सानुभाई खत्री सीगु खः ।

खत्रीयात वासः यायेगु निंतिं येँया वीर अस्पतालय् यंकेगु झ्वलय् लँय् हे सीगु जानकारी प्रहरीं ब्यूगु दु । दुर्घटनाय् मोटर साइकलया ल्यूने च्वनावःम्ह प्रहरी हवल्दार रहर तामाङ बांमलाक्क घाःपाः जूगु दुसा घाःपाः जूम्ह तामाङयात वीर अस्पतालय् वासः याकातःगु दु । ठक्कर ब्यूगु ट्याङकर व चालक जीवन लामायात महानगरीय प्रहरी परिसर येँय् तयातःगु दु ।