२८ गू दलपाखें स्वंगू समितिया विषय अनुमोदन

नीच्यागू दलया मुँज्यां कार्यदलं सहमति याःगु स्वंगू समितिया विवादित विषययात अनुमोदन याःगु दु ।

सिंहदरवारय् थौं च्वंगु नीच्यागू दलया मुज्यां मौलिक अधिकार लिसें राज्यया निर्देशक सिद्धान्त समिति, राष्ट्रिय हितया संरक्षण समिति व सांस्कृतिक लिसे सामाजिक ऐक्यबद्धताया आधार निर्धारण समितिया विषयलय् कार्यदलं याःगु सहमतियात अनुमोदन याःगु खः ।

कार्यदलं सहमति यायेधुंकूगु फुक्क विषययात अनुमोदन यायेधुंकाः विवादित च्यय्स्वंगू बुँदाय् सहमति मालीगु कांग्रेस नेता रमेश लेखकं जानकारी बियादिल । वय्कलं कन्हय् निसें संवैधानिक समितिया विवादित विषयलय् सहमति मालीगु नापं जानकारी बियादीगु दु ।