सेनाया इतिहासय् हे न्हापांखुसी
प्रधानसेनापतियात कार्यावधि दनिबलय् हे अवकास बीगु धकाः सरकारं याःगु थ्व पलाः नेपाःया सैनिक इतिहासय् हे न्हापांखुसी खः धाःगु दु । नेपाली सेनाया इतिहासय् थःगु पदावधि कायम दनिबलय् हे दथुइ पद त्वःतूम्ह धइम्ह गडुल शम्सेर जबरा छम्ह हे जक खः । अबलय् छगू भ्रष्टाचारया मुद्दाय् लानाः गडुल शम्सेरं पद त्वःतेमाःगु खः । थम्हं कःघानाः यानाच्वंगु ज्याय् भ्रष्टाचार जुल धकाः द्वपं वःगु व उकियात वय्कलं खण्डन याये मफुगु कारणं वय्कलं दथुइ हे राजीनामा बियादीगु खः । अबलय् वय्कलं राजीनामा बियाः बांलाःगु हे ज्या यात धकाः सेना दुने तारिफ नं जूगु खँ विज्ञतय्सं धायेगु याः ।
