त्रिशुली खुसिइ छम्ह वेपत्ता

पुसे औंशीइ थः अबुया श्राद्ध यायेत बेत्रावती वःम्ह छम्ह मिसा त्रिशुली खुसिइ म्वःल्हुइगु झ्वलय् वेपत्ता जूगु दु । म्वःल्हुइत थौं सुथय् बेत्रावतीस्थित त्रिशुली खुसिइ वंम्ह ककनी गाविस वडा ल्याः ६ या नीस्वदँया सुनिता लामा तनाच्वंगु जिल्ला प्रहरी ज्याकू नुवाकोटं जानकारी ब्यूगु दु ।
प्रहरी लिसे थःथितिपिंसं वयात मालेगु ज्या न्ह्याकाच्वंगु दुसां तबि वयागु बारे आःतक्क छु नं जानकारी वःगु मदुनि । म्वःल्हुइत्यंगु इलय् दाजु व केहेँ चुलुयाः खुसिइ लाःगुलिइ दाजुयात धाःसा उद्दार यायेत ताःलाःगु खः । थौंया तिथिसं हरेक दँ नुवाकोट व रसुवा जिल्लाया सीमानाय् लाःगु बेत्रावतीइ मां अबु मदयेधुंकूपिंसं लुमन्तिकथं श्राद्ध यायेगु कथं अनं छगू मेला हे जुइगु याइ ।