थारु समुदायं तराई बन्द लित काल
देशय् आकाझाकां न्हूगु राजनीतिक माहौल ब्वलंगु कारणं वंगु निवाः न्ह्यवंनिसें तराई बन्द यानाः आन्दोलन याना वयाच्वंपिं थारु समुदायं म्हिगः बहनी तराई बन्द ज्याझ्वः लित काःगु दु । थारुतय्सं बन्द लित कयागु दुसां थःपिनि आन्दोलन धाःसा मदिउनि उकिया स्वरुप जक हीकागु खँ नं धाःगु दु ।
थारुतय्गु तराई बन्द लित कायेवं तराईया थीथी लागाय् थानाच्वंगु गाडीत चले जुइगु शुरु जूगु दु । तर बन्द लित काःगु जानकारी मदुगु कारणं थौं सुथय् राजमार्गय् गाडी धाःसा उलि चले जूगु खने मदुनि । उखे थौं तामाङतय्सं घोषणा यानातःगु नेपाल बन्द ज्याझ्वः नं अलपत्र जूवंगु दु ।
