तुया न्हूगु भाः क्वःछीत, आन्दोलनया ज्याझ्वः लितकाल

तुया न्यूनतम भाः कायम यायेवं आन्दोलनरत तु किसानतय्सं फुक्कं आन्दोलनया ज्याझ्वः लितकाःगु दु । प्रधानमन्त्री माधवकुमार नेपालया उपस्थिति थौं येँय् जूगु वार्ताय् तुया न्यूनतम भाः प्रति क्विन्टल ४०१ तका कायम यायेगु सहमति जूगु खः ।

सहमति लिपा तुया न्यूनतम भाः कायम यायेमाःगु माग यानाः आन्दोलन यानाच्वंपिं किसनातय्सं आन्दोलनया फुक्कं ज्याझ्वः लितकाःगु खः । इमिसं प्रति क्विन्ट ४२१ तका यायेमाःगु माग तयाः आन्दोलन यानावयाच्वंगु खःसा उद्योगीतय्सं ३३० स्वयां अप्व बी मफइगु अडान कयाच्वंगु खः ।

थ्वस्वयां न्ह्यः किसानतय् आन्दोलन तच्वयेवं थौं सरकारं सर्लाहीलय् कफ्यू तःगु खःसां लिपा सरकार व आन्दोलनरत पक्ष दथुइ सहमति जुइवं सनिलय् ५ बजे निसें कफ्यू चीकूगु खः ।