एमालेया कारणं तमलोपा फुट जूगु प्रमाणित यायेत हाथ्याः

नेकपा (एमालें) थःगु पार्टीया कारणं तराई मधेश लोकतान्त्रिक पार्टी (तमलोपा) फुट जूगु धकाः तमलोपाया नेतातय्सं ब्यूगु द्वपं प्रमाणित यायेत हाथ्याः ब्यूगु दु ।

एमाले केन्द्रीय ज्याकूया छ्याञ्जे गंगालाल तुलाधरं थौं छगू विज्ञप्ति पिथना तमलोपाया नेतातय्सं ब्यूगु द्वपंया खण्डन याःगु खः । विज्ञप्तिइ लोकतान्त्रिक मूल्य मान्यतायात हाजांगाया मेगू लोकतान्त्रिक पार्टीयात बिना आधार द्वपं बीगु गैरजिम्मेवारी जूगु खँ न्ह्यथनातःगु दु ।

तमलोपाया द्वपं तथ्यहीन जूगु धासें सार्वजनिक रुपं क्षमायाचना यायेत तकं एमालें माग याःगु दु ।