नायक भुवन केसी एमालेय् प्रवेश
थीथी कलाकारत नेपाःया राजनीतिक ख्यलय् दुहांवयेगु ज्या न्हापां निसें हे जुयाच्वंगु खः । थ्व झ्वलय् आः नायक भुवन केसीया नां नं थप जूगु दु । नायक केसी थौं छगू ज्याझ्वःया दथुइ नेकपा (एमाले)य् प्रवेश यानादीगु खः ।
एमाले समर्थित राष्ट्रिय जनसांस्कृति महासंघया २४क्वःगु बुदिंया लसताय् थौं येँय् जूगु ज्याझ्वलय् केसीं एमाले प्रवेश यानादीगु खः । वय्कःयात खादा क्वखायेकाः प्रधानमन्त्री नापं एमाले वरिष्ठ नेता माधवकुमार नेपालं पार्टी प्रवेश याकादीगु खः ।
ज्याझ्वलय् न्ववासें नायक केसीं थः न्हापा निसें हे एमाले प्रति झुकाव दुम्ह मनू जूगु धासें एमाले प्रवेश नापं थःगु समाजसेवा यायेगु इच्छा पूवनीगु धयादिल ।
अथेहे ज्याझ्वलय् थुगु दँया जनसंस्कृतिक सिरपा बाराया ७७दँया भाजेपुरी साहित्यकार सलिम समदर्शी व जनसंस्कृति युवा प्रतिभा सिरपा हास्यकलाकार मनोज गजुरेलयात लःल्हाःगु खः ।
(किपा साभार : http://www.madhavnepal.com)
