नागरिकता सम्बन्धी कार्यदलया सहमति अनुमोदित

संविधानसभाय् प्रतिनिधित्व याइगु नीच्यागू दलया बैठकं नागरिकताया सम्बन्धय् उच्चस्तरीय राजनीतिक कार्यदलया सहमतियात अनुमोदन याःगु दु । सिंहदरबारय् थौं च्वंगु बैठकय् छुं चीधंगु दलं तःगु ब्यागलं मतयात नं सहलह यायेगुकथं कार्यदलं याःगु सहमतियात अनुमोदन याःगु कांग्रेस नेता रमेश लेखकं जानकारी बियादीगु खः ।

कार्यदलं प्रदेशया म्हसीकालिसेया संघीय एकल प्रकारया नागरिकता लःल्हायेगु सहमति याःगु खः । न्यायप्रणालीया विषयलय् धाःसा सहलह हे मजूगु कांग्रेस नेता लेखकं जानकारी बियादीगु दु । नीच्यागू दलया बैठक कन्हय् हाकनं च्वनीगु जूगु दु ।