'अय्लाःथ्वँ' विरोधी अभियानया वार्षिक उत्सव
नेपाल मदिरा पुनर्वासीय समुहपाखें ग्वसाः ग्वःगु न्हापांगु वार्षिक उत्सव व न्हूदँ २०६६ या भिंतुना कालबिल ज्याझ्वः शनिवाः पुलांगु वानेश्वरया सिद्धार्थ फुड ल्याम्पय् जुल । ज्याझ्वःया मूपाहां प्रा. डा. राममान श्रेष्ठसभासद्, झक्कूप्रसाद सुवेदी, सभासद् सागरराजन बिष्ट व ज्याझ्वःया सभापति गौशाला प्रहरी ज्याकूया डीएसपी विश्व पोखरेलिपंसं थःथःगु नुगः खँ प्वकादीगु खः ।
ज्याझ्वय् नुगःखँ प्वंकादीपिं व्यक्तितय्सं अय्लाःथ्वँविरुद्ध जनचेतना थनेगु झ्वलय् खुल्ला थाय् चुक दबुली जक जनचेतना थनेगु ज्या यायेगु मखुसें सरकारं हे माःगु नीति नियम दयेकेमाःगु खँय् बः बिउगु खः ।
आर्ट नेपाल मदिरा पुनर्वासीय समूहया नायः पुण्यरत्न मानन्धरं च्वयादीगु 'मध्यपानको समस्या एक रोग' नांगु सफू नं उगु ज्याझ्वलय् विमोचन जूगु खः ।
उगु हे ज्याझ्वलय् आर्ट समूहपाखें दयेकूगु अय्लाःथ्वँ विरुद्धया डमुमेन्ट्री नं न्ह्यब्वःगु खः । डकुमेन्ट्रीइ अय्लाःथ्वं परिवार व समाजय् लाकीगु लिच्वः बारे क्यनातःगु दु ।
उगु हे ज्याझ्वलय् आर्ट पुचःया बेबसाइट धधध।बचतलभउबि।यचन नं आधिकारिक रुपं शुरु याःगु खः । उगु बेबसाइटपाखें २४ घौ हे मद्यपान ल्वगितय्त परामर्श सेवा बीगु ताः तयातःगु दु ।
