मन्त्रीतय्त पदमुक्त यायेत इनाप
येँ (सन्ध्या टाइम्स)/तराई मधेस लोकतान्त्रिक पार्टीया उद्योगमन्त्री महेन्द्र राय यादव व उद्योग राज्यमन्त्री दानबहादुर चौधरीयात पदमुक्त यायेत प्रधानमन्त्री माधवकुमार नेपालयात इनाप याःगु दु। तमलोपाया अध्यक्ष महन्थ ठाकुर नापं मेमेपिं नेतातय्सं थौं सुथय् प्रधानमन्त्री नेपालयात नापलानाः उमित पदमुक्त यायेत इनाप यानादीगु खः। मन्त्री यादव व राज्य मन्त्री चौधरीं तमलोपा तछ्यानाः न्हूगु हे पार्टी कथं तराई मधेस लोकतान्त्रिक पार्टी (नेपाल) गठन यानाः संसद सचिवालयय् दर्ता याःगु खः। पार्टीया अनुशासन अःखः ज्या याःगुलिं यादव व चौधरीयात मन्त्रीमण्डलं चीकेत अथे इनाप याःगु खः ।
