पौडेलयात सहमति मजूसा बाबुरामयात समर्थन
येँ (सन्ध्या टाइम्स)/नेपाली कांग्रेसया केन्द्रीय नेता गगन थापां व्यवस्थापिक संसदया नियमित अधिवेशनपाखें कांग्रेस संसदीय दलया नेता रामचन्द्र पौडेल प्रधानमन्त्री पदय् निर्वाचित मजुल धाःसा एकीकृत माओवादीया उपाध्यक्ष डा. बाबुराम भट्टराईयात कांग्रेसं समर्थन याइ धयादीगु दु ।
माओवादी नेतृत्वय् सरकार दयेकीगु अवस्था वल धाःसा डा. बाबुराम भट्टराईयात प्रधानमन्त्री दयेकेत कांग्रेस तयार दु धकाः वय्कलं धयादिल। प्रेस युनियन बाग्लुङया ग्वसालय् जूगु म्हिगः जूगु पत्रकार भेटघाट ज्याझ्वलय् न्ववासें युवा नेता थापां थ्व खँ धयादीगु खः। पौडेलया पक्षय् सहमति मजुल धाःसा डा. भट्टराईया पक्षय् सहमति यायेत कांग्रेसं निर्णय याइ धासें थापां प्रधानमन्त्रीया विवादं देशयात अनिर्णयया बन्दी याये मजिउगु बिचाः नं प्वंकादिल ।
