भाः थकायेमाःगु माग यासें चक्का जाम
येँ (सन्ध्या टाइम्स)/थःपिंसं उत्पादन यानागु तुया भाः थकायेमाःगु माग यासें सर्लाहीया किसानतय्सं थौं पूर्व पश्चिम राजमार्गय् चक्का जाम याःगु दु ।
सर्लाहीया हरिऔन लागाय् सलंसःम्ह किसान सतकय् कुहां वयाः प्रदर्शन याःगु खः। इमिसं तुमा तकं ज्वनाः प्रदर्शन याःगु खः। किसानतय्सं सुथय् ११ बजेनिसें २ बजे तक अनया राजमार्गय् चक्का जाम याःगु खः। अथे जाम याःगुलिं उगु लागाया यातायात संचालनय् पंगः ब्वलंगु खः ।
