'लोकतन्त्रया निंतिं कांग्रेस-एमाले मिलेजुइमाः'

नेपाली कांग्रेस संसदीय दलया नेता रामचन्द्र पौडेलं लोकतन्त्र बचे यायेत कांग्रेस व एमाले मिलेजुइमाःगु खँ धयादीगु दु । वय्कलं कांग्रेस व एमाले मिलेजुसाः जक नेपालय् लोकतन्त्रयात ल्यंकातयेफइगु धासें यदि निगू पार्टी मिले मजुसाः छुनां नं लोकतन्त्रयात बचे यायेमफइगु धयादिल ।

बीपी कोइराला स्मृति प्रतिष्ठानं थौं येँय् याःगु छगू ज्याझ्वलय् न्ववासें नेता पौडेलं माओवादी लोकतन्त्रया पक्षय् मदुगु द्वपं बियादिसें उगु हे कारणं माओवादी निशस्त्र जुइ चाहे मजूगु धयादिल ।

अथेहे वय्कलं एमाले नायः झलनाथ खनाल प्रधानमन्त्री जुइगु इच्छा प्वंकाच्वंगुलिं राजनीतिक गतिरोध ताःहाक जुयावच्वंगु धयादिल ।