अनमिनयात छ्वःगु पौ सहमति अःख : गच्छदार

उपप्रधानमन्त्री विजयकुमार गच्छदारं एकीकृत नेकपा (माओवादीं) अनमिनया म्याद थपे यायेत राष्ट्रसंघयात छ्वःगु पौ सहमति अःख जूगु खँ धयादीगु दु ।

कार्यकर्ता प्रशिक्षणया निंतिं थौं धनगढी थ्यंकादीम्ह मन्त्री गच्छदारं सञ्चारकर्मीत नाप खँल्हाबंला यासें फुक्कं दलतय् सहमतिलय् थ्वस्वयां न्ह्यः हे लिप्पांगु पटक अनमिनया म्याद थप याःगु धासें हानं म्याद थपे याःगु धइगु सहमति अःख जूगु धयादिल ।

वय्कलं न्हूगु सरकार गठनया निंतिं राजनीतिक सहमति जुइमफुसाः प्रतिस्पर्धाया आधारय् जुसां नं प्रधानमन्त्री ल्ययेमाःगु धयादिल । अथे खःसां वय्कलं सहमतिया आधारय् कांग्रेस संसदीय दलया नेता रामचन्द्र पौडेलयात प्रधानमन्त्री दयेके माःगु धयादिल ।