संयुक्त राष्ट्र संघया महासचिवपाखें चिन्ता प्वंकल

संयुक्त राष्ट्र संघया महासचिव बान की मूनं नेपालय् विकसित न्हूगु घटनाक्रम प्रति चिन्ता प्वंदीगु दु । महासचिवया पाखें वयेकया प्रवक्तां जारी वक्तव्यय् सरकार व प्रधानसेनापतिया सम्बन्धय् केन्द्रित नेपाःया लिपांगु राजनीतिक संकट व उकीं शान्ति प्रकृयाय् लाकेफइगु सम्भावित खतराया बारे महासचिवं गम्भीर चिन्ता प्वंकादीगु दु ।

वयेकलं संविधानया प्रावधानतय् पूर्ण सम्मान यासें वार्ता व सहमति पाखें संकटया समाधान यायेत दक्व सरोकारवाला पक्षयात महासचिवं आव्हान यानादीगु दु ।