निम्ह मन्त्रीतय्त पदमुक्त यायेत तमलोपाया माग

तराई मधेशी लोकतान्त्रिक पार्टी (तमलोपां) विभाजन जुयाः न्हूगु पार्टी चायेकूपिं उद्योग मन्त्री महेन्द्र राय यादव व उद्योग राज्य मन्त्री दानबहादुर चौधरीयात पदमुक्त यायेत प्रधानमन्त्रीयात इनाप याःगु दु ।

तमलोपां थौं छपू पौ छ्वयाः निम्ह मन्त्रीतय्त पदमुक्त यायेत प्रधानमन्त्री समक्ष इनाप याःगु खः । थ्वस्वयां न्ह्यः थौं हे पार्टी नायः महन्त ठाकुर लगायतया नेतातय्सं प्रधानमन्त्री माधवकुमार नेपालयात नापलानाः वय्कपिं निम्हेसित पदमुक्त यायेगु बारे सहलह यानादीगु खः ।

छुं दिं न्ह्यः मन्त्री राय यादवया नेतृत्वय् गुम्ह सभासद्त सहितं तमलोपा त्वःता तमलोपा (नेपाल) नांया न्हूगु पार्टी घोषणा याःगु खः ।