नेपाल पर्यटन दँ २०११ सुरु

झिगू लख विदेशी पर्यटकतय्त नेपाः दुथ्याकीगु ताः तयाः थनिंनिसें नेपाः पर्यटन दँ २०११ सुरु जूगु दु ।

'पर्यटनया निंतिं नापनापं' धाइगु नारा थ्वयेकाः शनिवाः पर्यटन दँ सुरु जूगु खः । पर्यटनया विकास व सम्बद्धन यायेगु ताः तयाः तत्कालीन एनेकपा (माओवादी)या नेतृत्वय् दुगु सरकारं सन् २०११यात पर्यटन दँ घोषणा याःगु खः ।

पर्यटन दँ सुरु जूगु लसताय् थौं थीथी जिल्लाय् पर्यटकतय् निंतिं विशेष ज्याझ्वः याःगु खः । थौं सुथय् बहराइन एयरं नेपाः थ्यंकूपिं पर्यटकतय्त नेपाः सरकार, पर्यटन व होटल व्यवसायीतय्सं विशेष रुपं स्वागत याःगु खः ।