प्रधानमन्त्रीयात राजिनामा बीत कांग्रेसया इनाप
नेपाली कांग्रेसं सरकार अल्पमतय् लाःगु निष्कर्ष पिकासें प्रधानमन्त्री पुष्पकमल दाहालयात राजिनामा बीत इनाप याःगु दु । सेनापतिया कारवाही यायेगु निर्णय लिपा सत्ता साझेदार दलत सारकारयात ब्यगु समर्थन लितकायेधुंकाः सरकार अल्मतय् लाःगु खः ।
सोमवाः पार्टी केन्द्रीय ज्याकू सानेपाय् च्वंगु केन्द्रीय समितिया बैठकं न्हूगु सत्ता समिकरणया लँपू च्यायेकेत प्रधानमन्त्रीयात इनाप याःगु दु । अथेहे राष्ट्रपति डा. रामवरण यादवं सरकारया गलत निर्णययात भिंकेत ल्ह्वंगु पलाःया लसकुस व समर्थन याःगु दु ।
सेनापतियात बलजफ्ति चीकाः सेनाया मनोबल घटे यायेत स्वःगु माओवादीया निर्णययात राष्ट्रपतिया पलाखं निरुत्साहित याःगु कांग्रेसं ठहर याःगु दु । सेनापति प्रकरणं समग्र शान्ति प्रकि्रया, संविधान निर्माण लगायत मुलभुत राजनीतिक मुद्दायात ल्यूने लाकेफूगु पाखे सचेत जूगु धासें कांग्रेसं उकीया निंतिं संविधानसभाय् प्रतिनिधित्व याईपिं दलत नापया सहलहयात तिव्रता बीगु निर्णय याःगु दु । न्हूगु सरकारया नितिं ठोस निर्णय मदुसां मेगु दलतय् सहमतिइ निर्णय यायेफइगु खँ कांग्रेस केन्द्रीय दुजः डा. प्रकाशशरण महतं धयादिल ।
