म्याद थप यायेत माओवादीया पौ
येँ (सन्ध्या टाइम्स)/एकीकृत माओवादीं अनमिनया म्याद थप यायेत राष्ट्र संघयात पौ च्वःगु दु। पार्टीया अध्यक्ष प्रचण्डं अनमिनया म्याद जेष्ठ १४ गते तक थप यायेत इनाप यासें अथे पौ च्वःगु खः। माओवादीं अनमिनया नेपाल प्रमुख करिन लेनग्रेनयात उगु पौ लःल्हाःगु खः। म्हिगः प्रचण्ड व लेनग्रेनया दथुइ भेटवार्ता जूगु खः। करिन लेनग्रन कन्हय् चान्हय् न्युयोर्कय् वनीगु जूगु दु। अनमिनं नं माओवादीया पौ वःगु पुष्टि याःगु दु। राष्ट्रसंघया सुरक्षा परिषद्या बैठक थ्वहे जनवरी ५ तारिकय् च्वनी ।
