थौं नेपालगन्जया बजाः बन्द
येँ (सन्ध्या टाइम्स)/नेपालगन्जया व्यापारीतय्सं थःपिनिगु सुरक्षाया माग यानाः थौं नेपालगन्जया बजाः बन्द आह्वान याःगु दु ।
अनया गैरी शंकर हार्डवेर पसलय् बम बिष्फोट जूगु घटनायात कयाः सरकारं सरक्षाया व्यवस्था यायेमाःगु माग यानाः अथे थौं नेपालगन्जया बजाः बन्द आह्वान याःगु खः ।
मध्यपश्चिमया मू बजाः कथं नालातःगु नेपालगन्जय् थौं पसः फुक्कं बन्द जूगु दु। व्यापारीतय्सं म्हिगः थःपिनिगु सुरक्षाया व्यवस्था यायेमाल धकाः बाँके जिल्ला प्रशासनय् ज्ञापन पौ तलं लःल्हाःगु खः। वंगु बुधवाः बम बिष्फोट जूगु खःसा म्हिगः स्तस्फूर्त रुपं बजाः बन्द जूगु खः ।
