थनिंनिसें कांग्रेसया जागरण अभियान
येँ (सन्ध्या टाइम्स)/नेपाली कांग्रेसं राष्ट्रिय मेलमिलाप दिवसया लसताय् धकाः थनिंनिसें स्वला तक जागरण अभियान न्ह्याकूगु दु। देशय् संकट ब्वलंगु ठहर यासें कांग्रेसं थःपिनि कार्यकर्तातय्त प्रशिक्षण बीगु नापं पार्टीया लाइन कार्यकर्तायाथाय् थ्यंकेत ७५ जिल्लाय् हे थ्व अभियान न्ह्याकूगु खः। दँय्दसं कांग्रेसं थौंया हे दिं पुस १६ गते राष्ट्रिय मेलमिलाप दिवस हना वयाच्वंगु खः ।
