'मिस नेवाः घोषणा म्हगस थें जुल'
येँ (सन्ध्या टाइम्स)/खुक्वःगु मिस नेवाः ज्याझ्वलय् 'मिस नेवाः २०१०' जुइत ताःलाःम्ह यलया ज्याउलाख्यलय् च्वंम्ह झिंगुदँ दुम्ह मय्जु सुजिना शाक्यं थःत मिस नेवाः घोषणा याःगु इलय् म्हगसय् थें जुल धयादीगु दु ।
मिस बेष्ट नेपालभाषा उपाधि नं त्याकेत ताःलाःम्ह वय्कलं थः मिस नेवाः घोषणा जूगुलिं आः नेवाः समाजप्रति थःथु जिम्मेवारी अझ अप्वःगु महसूस यानागु बिचाः प्वंकादिल। 'सन्ध्या टाइम्स'लिसे खँल्हासें वय्कलं आः नेवाः समाजया नितिं छुं योगदान यायेगु जुइ धकाः प्रतिबद्धता नं प्वंकादिल ।
नेपालिज् फेसन होमया ग्वसालय् म्हिगः मिस नेवाः ज्याझ्वः जूगु खः। उगु ज्याझ्वलय् फस्ट रनर अप लसता श्रेष्ठ, सेकेन्ड रनर अप निशा शाक्य, मिस ट्यालेन्ट दीपिका श्रेष्ठ, बेस्ट ड्रेसर दीपा श्रेष्ठ, मिस बेस्ट हेयर निशा श्रेष्ठ, मिस बेस्ट स्किन उरुषा तुलाधर व मिस पर्सनालिटी श्वेता बज्राचार्य जूगु खः। ३६ म्ह मिस्तय्सं ब्वति काःगु उगु ज्याझ्वलय् एरिना ताम्रकार मिस चार्मिङ, दीपा व्यन्जनकार मिस फ्रेन्डशिप, प्रविणा बज्राचार्य मिस भियोर्स, सिर्जना प्रजापति मिस फोटोजेनिक, सोनी मानन्धर मिस डिसिप्लेन व शुभा जोशीं मिस बेस्ट स्माइलया उपाधि त्याकूगु खः ।
