भिंतुना गुथिया न्हूगु ज्यासना पुचः
येँ (सन्ध्या टाइम्स)/भिंतुना गुथि, असंया झिंनिक्वःगु दँमुँज्या वंगु शनिवाः जुल। दँमुँज्यां गुथिया न्हूगु ज्यासना पुचः नं ल्यःदु। वंगु शुक्रवाः जूगु ल्यज्यां गुथिया झिंस्वक्वःगु न्हूगु ज्यासना पुचलय् सचिन तुलाधरयात नायः ल्यःगु खः ।
अथे हे कृष्णमान तुलाधर (न्वकु), उपेन्द्रकाजी शाक्य (छ्यांजे), अमूलकाजी तुलाधर (लिउ छ्यांजे), तारावीर सिं तुलाधर (दां भरिं) ल्यःगु दुसा निर्देशकय् सुशीलकाजी तुलाधर व रविनलाल श्रेष्ठयात दुजः मनोनित याःगु दु ।
