सहमतिपाखें जनतायात आश्वस्त यायेत सभामुखया इनाप

सभामुख सुभाषचन्द्र नेम्वाङं संसदया नियमित अधिवेशन पाखें राजनीतिक निकास बीगु खँय् जनतायात आश्वस्त यायेत दलतय्त इनाप यानादीगु दु ।

यल उद्योग वाणिज्य संघया ३१क्वःगु दँ साधारणसभाया शनिवाः उलेज्या यानादिसें वय्कलं संसदया नियमित अधिवेशनं राजनीतिक निकास बीगु विश्वास प्वंकूसें उगु अधिवेशन पाखें राजनीतिक निकास बीगु खँय् जनतायात आश्वीत यायेत दलतय्त इनाप यानादिल ।

वय्कलं स्वंगू प्रमुख दलत मिले जुइगुया विकल्प मदुगु धासें आः मिले मजूसाः जनतां इमित धिकार याइगु धयादिल । वय्कलं नेपाः स्थित राष्ट्रसंघीय राजनीतिक मिसन अनमिनं नेपाः त्वःते न्ह्यः हे राजनीतिक खँय् सहमति जुइमाःगु खँय् नं बः बियादिल ।