थौं सन्त नेता भट्टराईया ८७क्वःगु बुदिं

थौं नेपाली कांग्रेसया संस्थापक नेता नापं पुलांम्ह प्रधानमन्त्री कृष्णप्रसाद भट्टराईया ८७क्वःगु बुंदि ।

वय्कया बुंदिया लसताय् थौं राष्ट्रपति डा. रामवरण यादव, प्रधानमन्त्री माधवकुमार नेपाल, सभामुख सुभाषचन्द्र नेम्वाङ भट्टराई निवास बाडेगाँउ वनाः भिंतुना देछाःगु खः । उगु इलय् सरकारया पाखें बुदिंया उपहार कथं ब्यूगु गाडीया ताःचा प्रधानमन्त्री नेपालं सन्त नेता भट्टराईयात लःल्हाःगु खः ।

थौं हे कांग्रेसया सभापति सुशील कोइराला, नेकपा (एमाले)या नायः झलनाथ खनाल, राष्ट्रिय जनशक्ति पार्टीया नायः सूर्यबहादुर थापा लगायत आपलं नेता व कार्यकर्ता भट्टराई निवास थ्यंकाः वय्कःयात भिंतुना देछाःगु खः ।

उगु इलय् वय्कयाः आत्मावृतान्त 'मेरो म' नांया सफू पाइलट बाबां उलेज्या यानादीगु दु ।