मिडियाया कारणं प्रम नेपालं राजीनामा : संचार मन्त्री

सुचना व संचार मन्त्री नापं सरकारी प्रवक्त शंकर पोखरेलं मिडियाया कारणं प्रधानमन्त्री माधवकुमार नेपालं राजीनामा बियादीगु खँ धयादीगु दु ।

दाङ-येँय् जर्नालिष्ट एसोसिएसनं शनिवाः येँय् याःगु छगू ज्याझ्वलय् मन्त्री पोखरेलं प्रधानमन्त्रीयात राजीनामाया निंतिं मिडियां दबाव ब्यूगु धासें मिडियां माओवादी मागयात अप्व प्राथमिकता ब्यूगु धयादिल । वय्कलं माओवादी मागया हे आधारय् मिडियां प्रधानमन्त्री नेपालयात सत्तामोह दुम्ह मनूया कथं न्ह्यब्वःगु द्वपं नं बियादिल ।

वय्कलं माओवादीया असंवैधानिक ज्याया बारे धाःसा मिडियां छुं मच्वःगु धासें आपत्ति प्वंकादिल । नापं वय्कलं मिडियां शक्तिया दुरुपयोग याःगु द्वपं तकं बियादिल ।