समस्या मज्यंगुया मू कारण प्रमुख दलतय्गु गैर जिम्मेवारी

नेकपा एमालेया नेता प्रदीप ज्ञवालीं न्हूगु सरकारया नेतृत्व दलतय्सं पालंपाः यायेमाःगु खँ धयादिल ।

थौं बाग्लुङय् ग्वसाः ग्वःगु छगू ज्याझ्वलय् न्ववानादिसें नेता ज्ञवालीं फुक्क दलत छधी छप्पँ जुयाः न्ह्यज्याःसा जक क्वःछिनातःगु इलय् संविधान दयेकेफइगु व शान्ति प्रकृया निष्कर्षय् थ्यनीगु खँ धयादिल ।

वय्कलं मू मू दलतय्गु गैर जिम्मेवारीया कारणं समस्या ज्यनेगुली लिबानाच्वंगु खँ धयादिसें मू मू दलत थथे हे गम्भिर जुयाः न्ह्यःने मवन धाःसा समस्या अझ जटिल मोडय् थ्यनीगु खँय् सचेत यानादिल ।