सहायक रथी बज्राचार्ययात कोर्टमार्सल याइगु

नेपाली सेनां सैनिक विकास निर्माण व स्थपति विभागया सहायक रथी किरण बज्राचार्ययात कोर्ट मार्सल याइगु जूगु दु ।

सहायक रथी बज्राचार्यं थः स्वयां वरिष्ठ अधिकृतया म्याद थप मयायेत राजनीतिक लबिङ याःगु अभियोगय् कोर्टमार्सल यायेत्यंगु खः । सैनिक मुख्यालय जंगी अड्डां सार्वजनिक बिदाया दिं बिहीवाः हे बज्राचार्य नाप स्पष्टिकरण काःगु खःसां वय्कःया लिसः चित्त बुझे मजूगु धासें कोर्टमार्सलया तयारी याःगु खः ।

बज्राचार्यं थःगु हे विभागया प्रमुख उपरथी नरेश बस्नेतया म्याद थप मयायेत प्रधानमन्त्री, रक्षामन्त्री लगायया राजनीतिक व्यक्ति नापलायेगु ज्या याःगुलिं वय्कःयात बुधवाः हे नीप्यघौ दुने स्पष्टिकरण बीत माग यानाःगु खँ जंगी अड्डां धाःगु दु ।