संघीयता विरोधी सभाय् आक्रमण

येँ (सन्ध्या टाइम्स)/संघीयता विरोधी अभियान न्ह्याकेगु झ्वलय् झापाया बिर्तामोडस्थित मुक्ति चोकय् राष्ट्रिय जनमोर्चां याःगु ज्याझ्वलय् लिम्बुवान राज्य परिषदया संजुहाङ पुचलं आक्रमण याःगु दु। थःपिनिगु लागाय् संघीयता विरोधी ज्याझ्वः याः वल धासें लिम्बुवान कार्यकर्तातय्सं जनमोर्चाया ज्याझ्वलय् घाराघुरु याना बिउगु खः। उमिसं जनमोर्चाया कार्यकर्तातय्त दायाः अनं ख्याना छ्वःगु खः ।