सरकार दयेकेमफूगु मू कारण एमालेया द्वैध चरित्र

नेपाली कांग्रेसया सभापति सुशिल कोइरालां नेकपा एमालेया हुनिं न्ह्यानाच्वंगु राजनीतिक गतिरोध ताःहाकयाच्वंगु धयादिल ।

थौं विराटनगरय् संचारकःमितलिसे खँल्हाबँल्हा यानादिसें सभापति कोइरालां नेपाली कांग्रेसया नेतृत्वय् सरकार दयेकेगु जूसा रामचन्द्र पौडेलया विकल्प मदुगु धयादिल । वय्कलं नेकपा एमालेया निपाः ख्वाःपाःया हुनिं सरकार दयेके मफूगु द्वपं नं बियादिल ।

सभापति कोइरालां धयादिल, 'शान्ति व संविधानयात निष्कर्षय् थ्यंकेत मू मू दलतय्गु सहमतिया विकल्प मदु ।'

वहे इलय् वय्कलं एकिकृत नेकपा माओवादी व नेकपा एमाले जानाः सरकार दयेकूसा नेपाली कांग्रेस प्रतिपक्षय् च्वनेत नं तयार जूगु खँ स्पष्ट यानादिल ।