नेपाः व पाकिस्तानया स्वापू सम्बन्धि सफूया विमोचन

नेपाल पाकिस्तान दथुइ दौत्य सम्बन्ध कायम जूगु न्यय्दँ थ्यंगु लसताय् परराष्ट्रविद् हिरण्यलाल श्रेष्ठं च्वयादीगु "गोल्डेन जुबली नेपाल-पाकिस्तान रिलेशन" नांगु सफू थौं सार्वजनिक यात ।

थौं येँय् ग्वसाः ग्वःगु छगू ज्याझ्वलय् त्रिभुवन विश्वविद्यालयया उपकूलपति प्रा. डा. माधव शर्मां उगु सफू पितब्वज्या यानादीगु खः । ज्याझ्वलय् नेपाःया लागि पाकिस्तानया राजदूत शैयद अवरल हुसेनं उगु सफुलिं निगू देय् दथुइ दयाच्वंगु स्वापू अझ क्वातुया वनीगु खँ धयादीगु दु ।
सफूया च्वमि श्रेष्ठं सफू च्वयाः थःम्हं निगू देय्या स्वापूयात अझ क्वातुकेत लागि ग्वाहालि जक यानागु धयादिल ।

नेपाः व पाकिस्तान दथुइ कुटनीतिक स्वापू मार्च १९६० स पलिस्था जूगु खः ।