समस्याया पंगः माओवादी : नेता देउवा

नेपाली कांग्रेसया वरिष्ठ नेता शेर बहादुर देउवां राजनीतिक सहमतिपाखें जक शान्ति प्रकृया आजुइ थ्यनीगु खँ धयादिल ।

थौं चितवनय् संचारकःमितलिसे खँल्हानादिसें नेता देउवां उगु खँ धयादीगु खः । नापं वय्कलं राष्ट्रिय संकट चीकेत विपिया मेलमिलापया नीतियात नालाः न्ह्यज्यायेमाःगु धयादिसें फुक्क दलत छप्पँ छधी जुयाः न्ह्यज्याःसा समस्या ज्यनीगु खँ नं धयादिल ।

नेता देउवां आःया समस्याया पंगः एकिकृत नेकपा माओवादी जूगु द्वपं नं बियादिल । वय्कलं माओवादी सहमतिइ वःसा शान्ति प्रकृया आजुइ थ्यनीगु नापं क्वःछिनातःगु इलय् हे संविधान दइगुली थः विश्वस्त जूगु खँ धयादिसें एकिकृत नेकपा माओवादीयात समस्याया पंगः मजूसे सहमती वयेत नं इनाप यानादिल ।