क्टवाल-खड्कां पौ बुझे यानाकाल

प्रधानसेनापति रुक्मांग कटवालं अवकास पौ व रथी कुलबहादुर खड्कां कायममुकायम प्रधानसेनापतिया नियुक्ति पौ बुझे यानाः काःगु दु ।

आइतवाः च्वंगु मन्त्रीपरिषदया बैठकं प्रधानसेनापति कटवालयात सेवा पाखें अवकास ब्यूसें खड्कायात कामु सेनापति नियुक्ति याःगु खः । रक्षामन्त्रालयं सेनाया जंगी अड्डाय् प्रधानसेनापति रुक्मांग कटवालयात अवकास पौ छ्वयाः नं न्हापाः बुझे यानाः कायेत अस्वीकार याःगु खः । थ्वःया दथुइ सकारया निर्णय विरुद्ध प्रतिपक्षी नेपाली कांग्रेसया भातृ संगठनं येँय् जुलुस पिकाःगु दुसाः माओवादी भातृ संगठनं थुकीयात लसकुस यासें प्रदर्शन याःगु खः ।