अख्तियारपाखें पूर्वाञ्चल विश्वविद्यालय छानबिन
येँ (सन्ध्या टाइम्स)/पूर्वाञ्चल विश्वविद्यालय दुने आर्थिक अनियमितता जूगु धकाः अख्तियार दुरुपयोग अनुसन्धान आयोगं छानबिन शुरु याःगु दु ।
विश्वविद्यालयपाखें गामय् भौतिक संरचना विस्तार याःगु इलय् कलेजतय्त सम्वन्धन बिउगु इलय् व्यापक रुपं आर्थिक हिनामिना जूगु उजुरीया आधारय् थनिंनिसें छानबिन न्ह्याकूगु खः। आयोगं न्हापांगु चरणय् प्राविधिक पुचः छ्वयाः अन भौतिक पूर्वाधारया सवालय् छानबिन शुरु याःगु खः ।
उगु विषयय् स्थानीय स्तरं नं छानबिन यायेगु कुतः याःगु खःसा अबलय् विश्वविद्यालयपाखें माःगु भ्वं उपलब्ध यानामबिउ धकाः धाःगु दु। न्हापांगु चरणया छानबिन क्वचाये धुनेवं विश्वविद्यालयय् प्रशासन नापं आर्थिक व थीथी पक्षयात कयाः नं छानबिन यायेगु जुइ धकाः अख्तियारं धाःगु दु ।
