प्रहरी विरुद्ध कावासोती बजाः बन्द
येँ (सन्ध्या टाइम्स)/नवलपरासीया कावासोती बजारया निगू पसलय् खूवःपिं खुँतय्त स्थानीय मनूतय्सं ज्वनाः प्रहरीयात खबर याःसां गाडी मदु धकाः प्रहरीत मवःगु विरुद्धय् थौं सुथंनिसें अन बजाः बन्द आह्वान याःगु दु ।
लछि न्ह्यवंनिसें अन खुँतय्गु विगविगी जूगु नापं उकी प्रहरीतय्गु ल्हाः दु धकाः आशंका यानाः स्थानीय व्यापारीतय्सं थौं बजाः बन्द आह्वान याःगुलिं सुथंनिसें हे बजाः बन्द जूगु खः ।
थौं सुथय् थ्यंमथ्यं ३ ताः इलय् स्थानीय मनूतय्सं खुँतय्त ज्वंगु खःसा प्रहरीत गाडी मदु धकाः काःमवःगुलिं अनया उद्योग वाणिज्य महासंघ व बजार ब्यवस्थापन समितिं मंकाः कथं प्रहरी विरुद्ध बजाः बन्द आह्वान याःगु खः। स्थानीय व्यापारितय्सं थौं सुथंनिसें प्रहरी विरुद्ध नाराबाजी यायेगु नापं प्रहरीया ज्याकू तकं घेराउ याःगु खः ।
