सिँ तस्करया अभियोगय् एमालेया कार्यकर्ता ज्वन

येँ (सन्ध्या टाइम्स)/दाङया पञ्चकुलेय् च्वंम्ह एमाले कार्यकर्ता बलबीर विकयात सिँ तस्करय् संलग्न जूगु द्वपनय् ज्वंगु दु। एमालेया उम्ह कार्यकर्तायात स्थानीय मनूतय्सं नियन्त्रणय् कयाः प्रहरीयात लःल्हाःगु खः। अनया भारगजेरी सामुदायिक बन समूह व स्थानीयवासीतय्सं ध्यनातःगु सिमाया सिँ एमालेया गाउँ कमिटीया उपसचिव विक व मेमेपिं जानाः चान्हय् खुयायंकूगु अभियोगय् ज्वंगु खः ।