संघीयता विरोधी गोरे लिम्बुवानया कब्जाय्

संघीयता विरोधी अभियान न्ह्याकूगु राष्ट्रिय जनमोर्चा नेपालया न्वकू वीरबहादुर गोलेयात संघीय लिम्बुवान राज्य परिषदं छुं ई कब्जाय् कयाः त्वःतुगु दु ।

जनमोर्चां वंगु पुस १० गते निसें न्ह्याकूगु संघीयता विरोधी अभियानया झ्वलय् थौं झापा विर्तामोड स्थित मुक्ति चोकय् याःगु कोण सभाय् लिम्बुवान कार्यकर्तातय्सं हस्तेक्षप यानाः न्वकू गोलेयात कब्जाय् काःगु खः । निघौ तक कब्जाय् कयाः लिपा गोलेयात त्वःतु खः ।

कब्जाय् काःगु इलय् गोलेयात लिम्बुवानया कार्यकर्तातय्सं दाःगु खःसा उकीया हुनिं वय्कःया मिखाय् व ल्हातय् घाः लाःगु खँ सीदुगु दु ।