अनमिनया औचित्य क्वचाये धुंकल : शान्तिमन्त्री

शान्ति मन्त्री रकम चेम्जोङं नेपाः स्थित राष्ट्रसंघीय राजनीतिक मिसन अनमिनं शान्ति प्रक्रियाय् माक्वः ज्या यायेमफुगु धासें वया औचित्य क्वचाये धुंकूगु खँ धयादीगु दु ।

प्रेस चौतारीं थौं धनकुटाय् याःगु पत्रकार सम्मेलनय् वय्कलं अनमिनया म्याद थप यायेगु निंतिं माओवादीं कयाच्वंगु अडान अर्थहनी जूगु टिप्पणी यानादिल । वय्कलं पुस मसान्त तकया दुने माओवादी लडाकु विशेष समितिया मातहतय् वयेधुंकीगु दाबी नं यानादिल ।

अथेहे वय्कलं लडाकुतय् व्यवस्थापन मजुइकं माओवादीनाप राजनीतिक सहकार्य जुइमफइगु नं धयादिल ।