नेपाःमियात प्रवेश याकीगु क्यासिनोया इजाजत खारेज जुइगु

व्यवस्थापिका संसद अर्न्तगतया लेखा समितिं क्यासिनो व होटलतय्सं पुले ल्यँ दनीगु रोयल्टि व कर लच्छिया दुने कायेत सरकारयात निर्देशन ब्यूगु दु ।

लेखा समितिया थौं सिंहदरवारय् च्वंगु मुँज्याय् क्यासिनोलय् नेपाःमित प्रवेश याकूसाः अज्याःगु क्यासिनोया इजाजत खारेज यायेत नं निर्देशन ब्यूगु दु । मुँज्यां नियम व कानुन बिना हे क्यासिनो संचालन यायेगु इजाजत बीगु तर अनुगमन व शर्त पूवंके मफुगु पर्यटन मन्त्रालयया ज्या प्रति नं आपत्ति प्वंकूगु दु ।

मुँज्यां नीति नियम व कानुन बिना छुं नं मनोरञ्जनया निंतिं एलेक्ट्रोनिक मेसिन व क्यासिनो संचालनया इजाजत बमीत पर्यटन मन्त्रालययात निर्देशन ब्यूगु दु ।