'झिन्हुया दुने आवश्यक सामान सुडान छ्वः'

संसदया राज्य व्यवस्था समितिं सुडानय् दुपिं नेपाल प्रहरीयात झिन्हुया दुने आवश्यक सामान छ्वयेत सरकारयात निर्देशन ब्यूगु दु ।

सुडानय् खटे जुयाच्वंपिं नेपाल प्रहरीयात सामान छ्वेगुलि जूगु घोटालाया बारे छानबिन लिपा समितिया थौं च्वंगु मुँज्यां अज्याःगु निर्देशन ब्यूगु खः । समितिं सुडान घोटाला बारे तत्काल छानबिन यायेत अख्तियार दुरुपयोग अनुसन्धान आयोगयात नं इनाप याःगु दु ।

थौंया मुँज्याय् गृहमन्त्री भीम रावलया नं उपस्थिति दुगु खः । थ्वस्वयां न्ह्यः नं समितिं तक्वः हे प्रधानमन्त्री माधवकुमार नेपाल व गृहमन्त्री रावलयात सःता थुगु घटनाया बारे अनुसन्धान याःगु खः ।