गच्छदारयात हाकूगु ध्वाँय्

उपप्रधानमन्त्री विजयकुमार गच्छदारयात मधेशी क्रान्ति फोरमया कार्यकर्तातय्सं सप्तरीया रुपनीलय् हाकूगु ध्वाँय् क्यंगु दु ।

गच्छदारं नेतृत्व यानाच्वंगु मधेशी जनअधिकार फरोम (लोकतान्त्रिक) पाखें टुक्रा जुयाः सभासद् साजयकुमार साहया नेतृत्वय् गठन जूगु मधेश क्रान्ति फोरम पार्टीया कार्यकर्तातय्सं हाकूगु ध्वाँय् क्यंगु खः ।

सप्तरीया कल्याणपुरय् छगू ज्याझ्वलय् ब्वति कायेत उखे पाखे वनाच्वंम्ह उपप्रधानमन्त्री गच्छदार मधेश विरोधी जूगु धासें नाराबाजी तकं याःगु खः ।