संसदं अख्तियारयात सःतल
येँ (सन्ध्या टाइम्स)/सुडान मिसनय् वंपिं सुरक्षाकर्मीया बन्दोवस्तीया सामान न्याःगु इलय् जूगु अनियमितताया बारे अध्ययन यायेत संसदया राज्य व्यवस्था समितिं थौं प्रतिवेदन कार्यान्वयन बारे अख्तियार दुरुपयोग अनुसन्धान आयोगया पदाधिकारीलिसे सहलह ब्याकीगु जूगु दु ।
समितिं सहलह ब्याकेगु नितिं अख्तियारया पदाधिकारीतय्त थौं सिंहदरवारय् सःतूगु दु। सडान मिसनय् वंपिं सेना व प्रहरीया बन्दोबस्तीया सामान न्यायेगु झ्वलय् व्यापक अनियमितता जूगु खबर सार्वजनिक जुइवं राज्य व्यवस्था समितिं थुकिया बारे अध्ययन यायेत धकाः अख्तियारयात सःतूगु खः। थ्व प्रकरण बारे तःधंगु चर्चा जूसां उकिया बारे छानबिन धाःसा जुयाच्वंगु मदु ।
