ख्वपय् स्वंगू दुर्घटना, छम्ह मंत निम्ह घाःपाः
ख्वप (सन्ध्या टाइम्स)/ ख्वपय् म्हीग न्हिनय् जूगु स्वंगू अलग्ग अलग्ग दुर्घटनाय् छम्ह मनू सीगु दुसा निम्ह घाःपाः जूगु दु। ख्वप नगरपालिका वडा १७ भार्वाचोय् च्वंम्ह ६१ दँया बेलभक्त कोजूयात शहीद स्मृति खेल मैदान १५ वडाय् लँय् वनाच्वंबलय् बा. ख ५१६० नम्बरया गाडीं ठक्कर नकेवं भक्तपुर अस्पतालय् यंकूगु खःसा अन वासः याकुयाकुं मदुग खँ प्रहरीं धाःगु दु ।
अथेहे मध्यपुर थिमिया ब्राइटर लागाय् च्वंगु बागमती पेट्रोल पम्प लिक्क बा.२ ख ८०३ नम्बरया अप्पा तयाहःगु ट्रक अःखः दिशाय् वनाः बा. १० प ९२४६ नम्बरया मोटरसाइकलयात ठक्कर नकेवं मोटरसाइकल चालक प्रविण श्रेष्ठ घाःपाः जूगु दु। प्रहरीं मिनिबस चालक कृष्णराम भैनात्वयात ज्वंगु दु ।
अथेहे ख्वपया च्याम्हसिंहय् बा. ३६ प ३६५४ नम्बरया मोटरसाइकलं ठक्कर नकेवं बागीश्वरी उमाविइ ७ तगिमय् ब्वनीम्ह सुभा तामाङ घाःपाः जूगु दु। वयात ख्वप अस्पतालय् वासः याकातःगु दुसा प्रहरीं मोटरसाइकल चालकयात ज्वंगु दु ।
