माओवादी ल्यूने सरे मजूसाः देशय् दुर्घटना जुइ : खनाल

नेकपा एमालेया अध्यक्ष झलनाथ खनालं प्रधानसेनापतिया खँय् माओवादी ल्यूने सरे मजूसाः देशय् तःधंगु दुर्घटना जुइगु चेतावनी बियादीगु दु ।

शनिवाः येँय् जूगु छगू ज्याझ्वलय् न्ववासें अध्यक्ष खनालं माओवादीं सहमति यायेत मस्वःगु द्वपं ब्यूसें धयादिल, - 'सेनापतिया खँय् माओवादी ब्याक मजूसाः देय् तधंगू दुर्घटनाय् लायेफू ।'

खनालं प्रमुख स्वंगू दलया सहमति विना सेनापतियात कारवाही जुइमफइगु धयादिल । माओवादी वरिष्ठ नेता व अर्थमन्त्री डा. बाबुराम भट्टराईं एमालेयात स्वंगूगु लिङ्गी धकाः ब्यूगु अभिव्यक्ति प्रति इंगित यासें अध्यक्ष खनालं न्हापां थःगु ख्वापाः न्ह्य्कनय् स्वयाः जक खँ ल्हायेत इनाप यानादिल ।

माओवादी नेता भट्टराईं शुक्रवाः जूगु छगू ज्याझ्वयात संबोधन यायेगु झ्वलय् एमालेया लिङ्ग म्हसिकेत थाकूगु द्वपं बियादीगु खः ।