दुर्घटनाय् जेसीसया पुलांम्ह उपाध्यक्ष मंत

येँ (सन्ध्या टाइम्स)/नेपाल जेसीसया पुलांम्ह केन्द्रीय कार्यकारी उपाध्यक्ष नापं झापाया ल्याय्म्ह व्यक्तित्व अरुणकुमार श्रेष्ठ सतक दुर्घटना लानाः मंत। झापाया दमकय् न्ह्यानाच्वंगु जेसिसया केन्द्रीय महाधिवेशनय् ब्वति कयाः लिहां वयाच्वंबलय् वंगु चान्हय् दुर्घटनाय् लानाः श्रेष्ठ मदुगु खः। श्रेष्ठ थम्हं हे चले याना वःगु डब्ल्यु वीपी ८४४४ नम्बरया कार दुर्घटना जुयाः वय्कः मदुगु खःसा मेपिं स्वम्ह घाःपाः जूगु खः ।