संसदया नियमित अधिवेशन पौष २७ गते

राष्ट्रपति डा. रामवरण यादवं व्यवस्थापिका संसदया नियमित अधिवेशन पौष २७ गतेया निंतिं आव्हान यानादीगु दु ।

प्रधानमन्त्री माधवकुमार नेपालया सिफारिसय् राष्ट्रपति यादवं पौष २७ गते ४ बजेया निंतिं संसद् अधिवेशन आव्हान यानादीगु खः । थ्वस्वयां न्ह्यः थौं हे प्रधानमन्त्री नेपाल राष्ट्रपति भवन शितल निवास थ्यंकाः नियमित अधिवेशन सःतेत राष्ट्रपति समक्ष सिफारिस यानादीगु खः ।

छुं दिं न्ह्यः माओवादी लगायत खुगू दलतय् समावेदनय् राष्ट्रपति यादवं आव्हान यानादीगु विशेष अधिवेशनया दथुइ स्वंगू मू दलत दथुइ याकनं नियमित अधिवेशन सःतेगु सहमति जूगु खः ।