थनिंनिसें वायुसेव निगमया आन्तरिक उडान सुचारु

कर्मचारीतय् आन्दोलनया कारणं झिंन्यान्हु न्ह्यः निसें बन्द जुयाच्वंगु नेपाल वायुसेवा निगमया आन्तरिक उडान थनिंनिसें सुचारु जूगु दु । निमगं आन्तरिक उडान सुरु याःसां निमगया महाप्रबन्धक कुलबहादुर लिम्बुयात धाःसा कर्मचारीतय्सं ज्याकू प्रवेशय् रोक लगे याःगु दु ।

निगमया कार्यकारी निर्देशक सुगतरत्न कंसाकारयात बिना आधार मुद्दा चले याःगु व लिम्बुयात कार्यकारी अधिकार ब्यूगु धासें कर्मचारीतय्सं लिम्बुयात ज्याकू प्रवेशय् रोक लगे याःगु खः । सञ्चालक समिति हेरफेरया विषयलय् मन्त्रालयया स्पष्ट धारण मवेकं सञ्चाल समितिया मेपिं दुजःतय्त नं निगम प्रवेशय् रोक लगे यायेगु खँ कर्मचारीतय्सं धाःगु दु ।