स्वनिगलय् संघीयता विरुद्ध अभियान

यल (सन्ध्या टाइम्स)/ संविधानसभाय् दुथ्याःगु थीथी दल मध्ये राष्ट्रिय जनमोर्चां संघीयताया विरुद्ध स्वनिगलय् नं अभियान न्ह्याकूगु दु। अन्तरिम संविधानय् तकं नेपाः संघीय लोकतान्त्रिक गणतन्त्र धकाः च्वयातये धुंकूगु अवस्थाय् थथे संघीयताया विरुद्ध अभियानया झ्वलय् म्हिगः यलया लगंख्यः लागाय् छगू सभा याःगु खःसा थौं येँया डिल्लीबजार लागाय् घरदैलो अभियान याःगु दु। अभियानया हे झ्वलय् माघ महिनाय् ख्वपय् व येँय् नं सभा यायेगु जुइ धकाः जनमोर्चां धाःगु दु ।